Timozi niini logo ci milliny tuwento, ma aromɛ waanice niini kibeen Pɔl ceen toonyai o, ma ɔɔrkɔr ki nɔnnɔ irkitok ci meelik, atirit nɔnnɔ ŋaati uuwayi kaaviyak o colai akati Yeso Kiristɔ. Ma vuruta, itoonek Pɔl Timozi kutuur o adikir kazi Evesos, ka kook kagam ɔl o tuwento ŋinaante.
Ma vuruta, itoonewun Pɔl waragɛ nico Timozi, ka koobekk nɔnnɔ goolok ci adiŋdiŋani ɔl o tuwento Tammu, kibeen goolok ci akati demezok o voloŋo. Ɔɔb buk niini waragewe nico gi ci ɔl o aŋɛryai ka kagamit ɔl o tuwento, abon een ɔl ci ɛɛl ku, ma buk ɛɛti ci agam ɔl o tuwento, abon aliŋliŋ kibeen ɔl o tuwento keeŋti dook ku, kiyo lɔgɔzɛt, ki ɔl o adikir, kibeen ŋaai o bɔyik o.
