Ayeedek Pɔl ween toonyaiti o Yesu waragɛ nico ɔl o abaak looce o kazi Korontiya. Ma Korontiya kutuur ci appe ci abil looce o kazi Giriiz Uuwak waanice Pɔl zɔɔz o Manyi kutuure nice irkit codoi dook ki biritook (Toonnyak 18). Makacin utuweec ɔl ci meelik Yesu. Bar mazi akɔ iŋaaz Pɔl kutuure nice, anyawun bodo kaal ci meelik utuguuze ci abacɔn ɔl o tuwento ŋinante. Ayɛɛd zin niini waragɛ nico o, ka kidicai kaalyan nicoko.
Ma waragewe nico, ɔɔb Pɔl gi ci azi nɛ, alaŋ aganɔ ɔl ci tuwento ŋaati adaŋɔn makacin abacɔ keŋeryɔ kiziti nyakɛnɛt (Zooc 1-4). Egerenyek ni niini ɔl oogi ŋaatineŋ giye ci ŋaan bodo arɛcanɛ labak kiyo ɔl o alaŋ aga Tammo o (Zooc 5-6), ma ademzek nɔɔgɔ gɔɔl ci abon abaayi ɔl o tuwento ki ŋaai ugeec juruuŋ, ma buk abaak ɔl o maac ki ɔl o tatoognya ugeec juruuŋ (Zooc 7). Ma buk elootek nɔɔgɔ gɔɔl ci ka kabaakti kiyeliztai eleeti kiziti ɔl o tuwento, olee o aromɛ ki nɔɔgɔ adiŋdiŋan Joowanɛ o gaagai, kibeen gɔɔl ci ka kidiŋdiŋanti Tammu ŋaati gɔɔn avu aruumɔnɛ ka kaŋaruyɔi. Oobek ni Pɔl nɔɔgɔ gi o atiritet Vɔɔŋizi o Tammo ageet, ma aŋereeket liŋliŋoonok, ricik ɔrɔɔt rɛzɔnɛɛt (Zooc 13), ma atiritet ageet kidiŋdiŋanit Tammu, ma kabaak kiziti ɔl o tuwento. Ma aadak Pɔl nɔɔgɔ gi ci anek nɛ, ma giye baal itiŋaawi Yesu daayiza, abon kaga naaga iŋaanet buk tiŋeere ageet Tammu daayiza korogit bodo.
