Titos eet ci ɔl o kazi Giriik ma utuwɔ, atirit zin gɔɔn waanice niini Pɔl weete baal gɔɔn ɛɛrɔni uuwayi kaviyak o Yesu abon e. Ma vuruta, itoonun Pɔl nɔɔnɔ kook kabal ɔl o tuwento looce ci kazi Keret.
Ma waragewe nico, iloot Pɔl Titos kɛŋɛra ɔl ci abon ka kabalit ɔl o tuwento, ma buk oobek nɔɔnɔ gɔɔl ci ka kɛdɛmɛzi ɔl o tuwento keeŋti dook, ɔl o maac adikir, ki ŋaai o adikir, ki lɔgɔzɛɛt, kibeen ɔl ween gabara. Ma eeci atornɛkɛ o, aadak Pɔl Titos gi ci abon ɔl o tuwento dook, eegin ɔl ci ganoonto, ma eeginɔ laŋoten, ma adɛwa eleeti kaale ci marnoonto, ki daŋɔɔnta, ki kaale ci aŋɛrɔn niigi maany.
